سەرکردەیەکی دەوڵەتی یاسا: ترسمان لە سودانی نییە، بەڵام قۆرغکردنی دەسەڵاتیش قبوڵکراو نییە
١٦ تشرینی یەکەم ٢٠٢٥ - ٢:١٧ پاش نیوەڕۆ
پەنجەرە
سەرکردەیەکی دەوڵەتی یاسا ڕایدەگەیەنێت، هاوپەیمانێتییەکەیان ترسی لە سودانی نییە، جەختیش دەکاتەوە لایەنە شیعییەکان تێکڕا پۆستی سەرۆک وەزیرانی داهاتوو یەکلا دەکەنەوە، لەگەڵ ئەوەشدا دەڵێت: دژی قۆرغکاریین.
سەرکردەکەی دەوڵەتی یاسا کە نەیویست ناوی ئاشکرا بکرێت، بە پەنجەرەی ڕاگەیاند: پۆستی سەرۆکوەزیرانی داهاتووی عێراق لەلایەن لایەنە شیعەکانەوە دیاری دەکرێت، چونکە ئەم پۆستە ئیستیحقاقی شیعەیە.
سەرکردەکەی دەوڵەتی یاسا وتی: هەموو کەسێک مافی ئەوەی هەیە هەوڵی وەرگرتنی پۆستی سەرۆکوەزیران بدات و ژمارەیەک سەرکردە چاویان لەو پۆستەیە، بەڵام ئەمە دەوەستێتەوە سەر نەخشەی سیاسی لەدوای هەڵبژاردن.
بەپێی وتەی سەرکردەکەی دەوڵەتی یاسا، هاوپەیمانێتییەکەی هیچ ترسێکی لە سودانی نییە، چونکە پۆستەکە ئیستیحقاقی شیعەیە و لایەنە شیعەکان یەکلایی دەکەنەوە بۆ کێ دەبێت.
هەروەها وتیشی: قۆرخکردنی دەسەڵات و بەخشینەوەی پارە قەبوڵکراو نییە.