"وەلما بون هام وەلدانا"؛ کاندیدێکی کورد بەشێوەزاری کەڵهوڕیی لە بەغدا بانگەشە دەکات
١ تشرینی دووەم ٢٠٢٥ - ١٢:٥٨ پاش نیوەڕۆ
پەنجەرە
کاندیدی یەکێتی نیشتمانی کوردستان کە لە نێو هاوپەیمانێتییەکەی سەرۆکوەزیرانی عێراقدا خۆی هەڵبژاردوە، لە نێو شاری بەغدا بە زمانی کوردی/ شێوەزاری کەڵهوڕیی، پۆستەر و فلێکسەکانی بانگەشەی هەڵبژاردن دادەنێت.
لەسەر پۆستەر و فلێکسەکانی 'ئایات ئەدهەم'، کاندیدی یەکێتی لە بەغدا، وێنەی خۆی و محەمەد شیاع سودانی- سەرۆک وەزیران کە هاوکات سەرۆکی لیستی ئاوەدانکردنەوە و گەشەپێدانە، هەڵواسراوە؛ بە زمانی کوردیی شێوەزاری کەڵهوڕییش لەسەریان نوسراوە "وەلما بوون هام وەلدانا (لەگەڵما بن لەگەڵتانم)".
دانانی فلێکسەکانی ئەو کاندیدە لە بەغدا، ئاراستەیە بۆ کوردانی فەیلی کە ژمارەیەکی زۆریان لە بەغدا نیشتەجێن و بەو شێوەزارە قسە دەکەن.