ناوی کاندیدانی "جێگە متمانەی" کەسنەزانییەکان بڵاوکرانەوە
٤ تشرینی دووەم ٢٠٢٥ - ٨:٠١ پاش نیوەڕۆ
پەنجەرە
لە ئێوارەی ئەمڕۆوە وێنەی ژمارەیەک کاندیدی هەڵبژاردنی ئەنجومەنی نوێنەرانی عێراق لە پارێزگا جیاوازەکان بڵاوکراونەتەوە کە وەکو "جێگە متمانەی کەسنەزانییەکان" ناویان هێنراوە.
هەر ئەمڕۆ پەنجەرە بڵاویکردەوە: شێخ نەهرۆ کەسنەزانی، ڕابەری تەریقەتی کەسنەزانی، دوای بێ دەنگ بوونی بۆ ماوەی زیاتر لە دوو ساڵ، جارێکی تر جموجۆڵی سیاسی دەستپێکردەوە.
سەرچاوەیەکی نزیکیش لە تەریقەتی کەسنەزانی بە پەنجەرەی ڕاگەیاند: لەسەر ئاستی شارەکان لیژنە پيکهێنراوە بۆ دیراسەکردنی کاندیدەکان بۆ ئەوەی بڕیار بدرێت لەهەر ناوچەیەک دەنگ بە کام لیست و کاندید بدرێت.