سەرچاوەیەک لە دەم پارتی: هیچ بەربەستێک نەماوە بۆ ئازادکردنی دەمیرتاش
٩ تشرینی دووەم ٢٠٢٥ - ٨:٠٨ پاش نیوەڕۆ
پەنجەرە
سەرچاوەیەک لە دەم پارت رایدەگەیەنێت، هیچ لەمپەرێک نەماوە بۆ ئازادکردنی سەڵاحەدین دەمیرتاش، سیاسەتوانی زیندانیکراوی کورد لە تورکیا.
سەرچاوەکە کە نەیویست ناوی بهێنرێت، بە پەنجەرەی وت: بەوپێیەی پاڵپشتییەکی زۆر هەیە بۆ ئازادکردنی دەمیرتاش، هەربۆیە هیچ بەربەستێک نابینرێت لەبەردەم ئەو هەنگاوە.
وتیشی: لەناو پارتەکانی دەسەڵاتیشدا ویستی ئازادکردنی دەمیرتاش زاڵە، چ بۆ ئەوەی دەربڕینی نیازپاکییەک بێت بۆ پرۆسەی ئاشتی لەو وڵاتە، چ بۆ ئەوەشی کە پاش ئازادکردبی ڕۆڵی هەبێت لە بەرەوپێشبردنی پرۆسەی ئاشتی.
سەڵاحەدین دەمیرتاش، هاوسەرۆکی پێشووی پارتی دیموکراتی گەلان، لە ساڵی 2016ـەوە بەتۆمەتی ئەندامبوون لە "ڕێکخراوێکی تیرۆریستی" و "بڵاوکردنەوەی پڕوپاگەندەی تیرۆر" دەستگیرکراوە.