سەرکردەیەکی عەرەب: بەهۆی ناکۆکی ناوخۆیی کوردەوە عەرەب کورسییەکی زیاتری لە کەرکوک برد

پەنجەرە

سەرکردەیەکی عەرەب لە کەرکوک رایدەگەیەنێت ناکۆکی ناوخۆیی کورد هۆکار بووە بۆ ئەوەی عەرەب کورسییەکی زیاتر لەو پارێزگایە بەدەست بهێنێت.

ئیسماعیل حەدیدیی، بە پەنجەرەی وت: دوای ڕاگەیاندنی دەرەنجامی هەڵبژاردنی ئەنجومەنی نوێنەرانی عێراق، کورد خۆیان بە شکستخواردوو و عەرەبیش خۆیان بە براوە دەزانن.

وتیشی: ناکۆکیی نێوخۆیی کورد سوودی هەبوو بۆ عەرەب و کورسییەک زیاتریان بەدەستهێنا.

بەپێی دەرەنجامی ڕاگەیەنراوی هەڵبژاردنی ئەنجومەنی نوێنەرانی عێراق لە پارێزگای کەرکوک، کورد 5 کورسی (4 بۆ یەکێتی و 1 بۆ پارتی) بەدەستهێناوە، عەرەبیش 5 کورسی (3 بۆ تەقەدوم، 1 بۆ هاوپەیمانی عەرەبی کەرکوک و 1 کورسی بۆ عەزم) بەدەستهێناوە و تورکمانیش 2 کورسی بەدەستهێناوە.