پەیامێک لە ئەمەریکاوە بۆ لایەنە شیعەکان؛ نابێت پۆست بە میلیشیاکان بدرێت و حەیان عەبدولغەنیش بکرێتەوە وەزیری نەوت
١٨ تشرینی دووەم ٢٠٢٥ - ٧:٥٠ پاش نیوەڕۆ
پەنجەرە
لەلایەن ئەمەریکاوە پەیام ئاراستەی هێزە شیعەکانی عێراق کراوە و هۆشدارییان پێدراوە لەوەی نابێت پۆستی وەزارەتی نەوت بدرێت بە "حەیان عەبدولغەنی" هەروەها پێدانی پۆستی وەزاریش بە میلیشیاکان ڕێگە پێنەدراوە.
سەرچاوەیەکی باڵای سیاسی عێراق، بە پەنجەرەی ڕاگەیاند: ئەمەریکا چاودێری هەوڵەکان بۆ پێکهێنانی حکومەتی داهاتووی عێراق دەکات. ئەمەریکا ڕازی نابێت پۆستی وەزارەتی نەوت بدرێت بە "حەیان عەبدولغەنی" وەزیری نەوت، چونکە نزیکە لە ئێرانەوە.
سەرچاوەکە دەڵێت: هۆشداری بە لایەنە شیعەکان دراوە لەوەی نابێت وەزارەت و پۆستی گرنگ بە میلیشیا شیعەکان بدرێت.