ئایا درۆن بەسەر کێڵگەی غازی کۆرمۆر بینراوە؟
٢٥ تشرینی دووەم ٢٠٢٥ - ٣:٣١ پاش نیوەڕۆ
پەنجەرە
سەرچاوەیەکی نزیک لەو کۆمپانیایانەی سەرکارن لە کێڵگەی غازی کۆرمۆردا، زانیاری ورد لەبارەی ڕۆیشتنی درۆن بۆ سەر کێڵگە غازییەکە بۆ پەنجەرە ئاشکرا دەکات و دەڵێت، بەرەبەیانی ئەمڕۆ هێزە ئەمنییەکان ناوچەکەیان پشکنیووە.
سەرچاوەکەی پەنجەرە کە نەیویست ناوی ئاشکرا بکرێت، دەڵێت: شەوی ڕابردوو درۆن نەبینراوە، بەڵام ڕادارەکان هەندێک ئاماژەیان دەرخستووە، بۆیە کارمەندەکان براونەتە شوێنی خۆپارێزی و هەندێک تەقەکراوە.
دەشڵێت: بەرە بەیانی ئەمڕۆ هێزە ئەمنییەکان کێوماڵی ناوچەکەیان کرد، بەڵام هیچ شتێک لەگۆڕێ نەبوو.
پێشتر کاتێک کۆمپانیای دانەغاز سەرقاڵی فراوانکردنی کێڵگەی غازی کۆرمۆر بوو، لەلایەن میلیشیا شیعەکانەوە بەدرۆن و موشەک هێرش دەکرایە سەر کێڵگە غازییەکە، بەڵام ماوەی چەند مانگێکە هیچ هێرشێک بۆ سەر کێڵگەکە ئەنجامدراوە.