راوێژکارێکی سودانی: سودانی دۆستی کوردە و مانەوەی لە پۆستەکەی بۆ کورد باشە 

پەنجەرە

راوێژکارێکی سەرۆکوەزیرانی عێراق دەڵێت، ئەگەر محەمەد شیاع سودانی بۆ خولێکی تر لە پۆستەکەی نەمێنێتەوە، عێراق دووچاری گرفتی گەورە دەبێت و جێگرەوەکەی سەرکەوتوو نابێت.

عەدنان حەمید، راوێژکاری سەرۆکوەزیرانی عێراق، بە پەنجەرەی ڕاگەیاند: سودانی خزمەتێکی گەورەی لەڕووی خزمەتگوزاری و ئەمنییەوە بە عێراق کردووە، لابردنی لە پۆستەکەی عێراق دووچاری گرفت دەکات.

دەشڵێت: لەگەڵ زۆربەی باڵیۆزی وڵاتاندا کۆبوومەتەوە، ئەوان دەیانەوێت عێراق لە ڕووی بازرگانی و خزمەتگوزارییەوە پێشبکەوێت و وڵاتەکانیان لە دۆخی عێراق سودمەندبن، بۆیە لابردنی سودانی عێراق دوا دەخات.

جەختیکردەوە: سودانی پیاوێکی مەدەنییە و دژی شەڕ و ئاژاوەیە، دۆستی کوردە و کوردی خۆش دەوێت، بۆیە مانەوەی لە پۆستەکەی بۆ کوردیش باشە.