پەکەکە چاوەڕوانی گۆڕینی شوێنی ئۆجەلانە
٤ کانوونی یەکەم ٢٠٢٥ - ٦:٠٣ پاش نیوەڕۆ
پەنجەرە
سەرچاوەیەکی نزیک لە پەکەکە ئاشکرای دەکات کە چاوەڕێی گۆڕینی شوێنی زیندانیی عەبدوڵڵا ئۆجەلانن بە شوێنێکی باشتر.
سەرچاوەکە کە نەیویست ناوی ئاشکرا بکرێت، بە پەنجەرەی ڕاگەیاند: پەکەکە چاوەڕوانی ئەوەیە لە چەند مانگی داهاتوودا شوێنی عەبدوڵڵا ئۆجەلان لە دوورگەی ئیمرالی بگۆڕدرێت.
وتیشی: هەوڵێک لە ئارادایە بۆ باشکردنی شوێنی مانەوەی ئۆجەلان لە دوورگەکە، بەجۆرێک ئازادی زیاتری پێبدرێت.
پێشتر بەرپرسانی پەکەکە ڕایانگەیاند، پرۆسەی ئاشتی بەبێ ئازادکردنی ئۆجەلان بەرەو پێش ناچێت.