سەرچاوەیەک: کەشوهەوای دانیشتنی ئەنجومەنی نوێنەران ئاماژەی یەکلاییکردنەوەی سەرجەم پۆستەکانی تێدایە
٢٩ کانوونی یەکەم ٢٠٢٥ - ٦:١٠ پاش نیوەڕۆ
پەنجەرە
کۆبوونەوەی ئەنجومەنی نوێنەرانی عێراق بە ئامادەبونی کاندیدانی سەرۆکی ئەنجومەنی نوێنەران و جێگرانی دەستیپێکرد، سەرچاوەیەکیش لە نێو ئەنجومەنەکە دەڵێت کەشوهەوای دانیشتنەکە ئاماژەی یەکلاییکردنەوەی سەرجەم پۆستەکانی تێدایە.
سەرچاوەیەک لە ئەنجومەنی نوێنەرانی عێراق، بە پەنجەرەی ڕاگەیاند: دۆخەکە ئەوەی لێدەخوێنرێتەوە هەیبەت حەلبوسی کاندیدی سونەکان ببێتە سەرۆکی پەرلەمان.
وتیشی: عەدنان فەیحان کاندیدی چوارچێوەی هەمانگی پۆستی جێگری یەکەمی سەرۆکی پەرلەمانی مسۆگەر کردووە.
سەبارەت بە جێگری دووەمی سەرۆکی پەرلەمان کە پشکی کوردە، شاخەوان عەبدوڵڵا لە پارتی و رێبوار کەریم لە ڕەوتی هەڵوێست کاندیدن بۆ ئەو پۆستە.