بەرپرسێکی حزبە کوردییەکانی رۆژهەڵات: سەردەمی شەڕی پارتیزانی بەسەرچووە و گۆڕانکاری لەناوخۆوە دەکرێت
٤ کانوونی دووەم ٢٠٢٦ - ٧:١٤ پاش نیوەڕۆ
پەنجەرە
بەرپرسێکی باڵای حزبە کوردییەکانی رۆژهەڵاتی کوردستان دەڵێت، سەردەمی شەڕی پارتیزانی بەسەرچووە و گۆڕانکاری لەڕێگەی شەقام و لەناوخۆی وڵاتەوە ئەنجام دەدرێت.
بەرپرسە باڵاکەی حزبە کوردییەکانی رۆژهەڵاتی کوردستان کە نەیویست ناوی ئاشکرا بکرێت، بە پەنجەرەی ڕاگەیاند: ئەو شورایەی ئێران لەنێوان ڕۆژهەڵاتی کوردستان و هەرێمی کوردستان دروستی دەکات، بەتەواو بوونی ڕێگە دەگرێت لە جوڵەی حزبە کوردییەکان.
دەڵێت: سەردەمی شەڕی پارتیزانی بەسەرچووە و گۆڕانکاری لەناوخۆی ئێران لەڕێگەی شەقامەوە دەکرێت، بەڵام دەبێت حزبە کوردییەکان هەماهەنگ و پشتیوان بن.