دوو عەشیرەتی کورد پێشڕەوی ناڕەزایەتییەکانی ئێران دەکەن
٨ کانوونی دووەم ٢٠٢٦ - ٣:٥٢ پاش نیوەڕۆ
پەنجەرە
دوو عەشیرەتی کوردی شیعە مەزهەب لە رۆژهەڵاتی کوردستان بەقورسی ڕووبەڕووی هێزەکانی کۆماری ئیسلامی ئێران بوونەتەوە، ئەمەش وایکردووە قورسایی ناڕەزایەتییەکان بکەوێتە سنوری ئیلام و کرماشانەوە.
عەشیرەتی مەلەکشا و ئەرکەوازی، ئەو دوو عەشیرەتە کوردەن کە بەقورسی رووبەرووی دەسەڵاتدارانی ئێران وەستاونەتەوە، کە هێزەکانی پژاک زیاتر لایەنگریان لەنێو ئەو دوو عەشیرەتەدا هەیە.
ناکۆکی نێوان ئەو دوو عەشیرەتە و سوپای ئێران جوڵەی خستووەتە نێو هێزەکانی پژاک، جگە لە چاودێریکردنی دۆخەکە بەردەوام پەیام ئاراستەی کوردانی رۆژهەڵاتی کوردستان دەکەن.
بەپێی راپۆرتی رێکخراوی هەنگاو بۆ چاودێری مافی مرۆڤ لە ئێران و رۆژهەڵاتی کوردستان، قورسایی ناڕەزایەتییەکان کەوتووەتە سنوری ئیلام و کرماشانەوە، بەو هۆیەوە ژمارەیەک خۆپیشاندەر کوژراون و بریندار کراون، چەندین خۆپیشاندەریش دەستگیر کراون.هخ