پێشمەرگەی "ڕۆژ" دەبرێتە سنووری ڕۆژئاڤا 

پەنجەرە

سەرچاوەیەکی ئاگادار باس لە جووڵەپێکردنی هێزەکانی پێشمەرگەی "ڕۆژ" دەکەن بە ئاراستەی سنووری ڕۆژئاڤا.

سەرچاوەکە بە پەنجەرەی وت: لەم ڕۆژانەدا هێزەکانی ڕۆژ لە دۆڵی "نەهلە"ـی نزیک ناوچەی چەمانکێ کۆکراونەتەوە و بە ئاراستەی خاڵی سنووری سمێڵکا جووڵەیان پێکراوە.

وتیشی: هۆکاری ئەم جووڵەپێکردنە نازانرێت، بەڵام کە هاوکاتە بە ئاڵۆزییەکانی ئەم دواییەی حەلەب، گومان و پرسیاری درووستکردووە.

پێشمەرگەی ڕۆژ، هێزێکی سەربازیین پێکهاتەکەی کوردی ناوچە جیاوازەکانی ڕۆژئاڤای کوردستانن و سەر بە هێزەکانی "ئەنەکەسە"ـن و لەلایەن پارتی دیموکراتی کوردستانەوە  پاڵپشتیی و هاوکاریی ئەکرێن.