ئیدارەی خۆسەر ١١ خێزانی ئوسترالی دەست بەسەرکراوی نێو کەمپی رۆژی رادەستی وڵاتەکان کردەوە
١٨ شوبات ٢٠٢٦ - ٢:٥١ پێش نیوەڕۆ
پەنجەرە
٣٤ هاووڵاتی ئوسترالی لەلایەن بەڕێوەبەرایەتی خۆسەرەوە ئازاد کران، پێشتر بەهۆی پەیوەندیی خێزانیان بە چەکدارانی داع،شەوە لە کەمپی رۆژ دەستبەسەر بوون.
بەڕێوەبەرایەتی کەمپی رۆژ رایگەیاند: ٣٤ هاووڵاتی ئوسترالیان ئازاد کردووە کە ئەندامی ١١ خێزان و کەسوکاری چەکدارانی پێشووی ئەو رێکخراوە توندڕەوەن.
ئەمە یەکەمجارە لە دوای چەند ساڵێک، هیچ هاووڵاتییەکی ئوسترالی لە ناو کەمپەکانی ژێر دەسەڵاتی بەڕێوەبەرایەتی خۆسەردا نەمێنن.
حەکیمە ئیبراهیم، بەڕێوەبەری کامپی رۆژ، وتی: ئەو ١١ خێزانە بە شێوەیەکی فەرمی رادەستی کەسوکاریان کراونەتەوە کە لە ئوسترالیاوە بۆ وەرگرتنەوەیان هاتبوونە ناوچەکە.