تۆم باراک بۆ مالیکی: ئەگەر حکومەتێکی دوور لە هەژموونی ئێران دروست نەکرێت ١٢ سەرکردە لەلایەن ئەمەریکاوە سزا دەدرێن یەکێکیان خۆت دەبیت
٢٨ شوبات ٢٠٢٦ - ٢:٤٤ پێش نیوەڕۆ
پەنجەرە
سەرچاوەیەکی نزیک لە چوارچێوەی هەماهەنگی لایەنە شیعەکان، ناوەڕۆکی پەیامەکانی تۆم باراک نێردەی سەرۆکی ئەمەریکا بۆ نوری مالیکی ئاشکرا دەکات و دەڵێت، باراک سێ پەیامی بە مالیکی گەیاندووە.
سەرچاوە نزیکەکە لەچوارچێوەی هەماهەنگی زانیاری گرنگی لەبارەی پەیامەکانی باراک بۆ پەنجەرە ئاشکرا دەکات و رایگەیاند: باراک بە مالیکی وتووە، ئەمەریکا لەگەڵ ئەوەدا نییە پۆستی سەرۆکوەزیران وەربگریت، جگە لەو پۆستە ئەمەریکا لاری نییە هەر پۆستێکی تر وەربگریت.
وتیشی: باراک هۆشداری ئەوەی بە مالیکی داوە ئەگەر حکومەتێکی دوور لە هەژموونی ئێران دروست نەکرێت، ١٢ سەرکردە لەلایەن ئەمەریکاوە سزا دەدرێن یەکێکیان خودی مالیکی دەبێت.