زۆرینەی بینای سوپا و دەزگا ئەمنییەکان لە ڕۆژهەڵات خاپوورکراون
٥ ئازار ٢٠٢٦ - ٦:٤٥ پاش نیوەڕۆ
پەنجەرە
بەهۆی بۆردوومانکردنی ئەمەریکا و ئیسرائیلەوە، سوپا و دەزگا ئەمنییەکانی ئێران لە ڕۆژهەڵاتی کوردستان بینایان بەدەستەوە نەماوە و لە شوێنە مەدەنییەکاندا کۆدەبنەوە.
بەپێی زانیارییەکانی پەنجەرە، هێزە سەربازیی و ئەمنییەکانی ئێران لە هەندێک شار و ناوچەی سەرەکی ڕۆژهەڵاتی کوردستان چوونەتە نێو قوتابخانە و مزگەوتەکانەوە، ئەویش بەوهۆیەی بیناکانی خۆیان بە گورزی سەربازیی ئەمەریکا و ئیسرائیل خاپوور بوون.
هاوکات چەند گرتەیەکی ڤیدیۆیی کە لە تۆڕە کۆمەڵایەتییەکان بڵاوکراونەتەوە، ئەم زانیارییانە پشتڕاست دەکەنەوە.
گورزی ئەمەریکا و ئیسرائیل بۆ سەر ناوچەکانی ڕۆژهەڵاتی کوردستان، لە بەهێزترین گورزەکانە و سەرجەم بارەگا سەربازیی و ئەمنی و تەنانەت قایمقامیەتی شارەکانیشی گرتووەتەوە.