بافڵ تاڵەبانی لە دیدارێکی کەناڵی فۆکس نیوزـی ئەمەریکی:

• لە دەنگی سەرۆک ترەمپ هەستم بە سۆز و میهرەبانی کرد، پێیوتم کورد شەڕکەری زۆر مەزنن.

• کوردستان لە چەندین بەرەی جیاوازەوە کەوتووەتە ژێر هێرش و ململانێکان لە پەرەسەندندان.

• وەزیری دەرەوەی ئێران پێی وتم کە ئەم جەنگەیان نەدەویست، بەڵام بۆ ئەوان پرسێکی مان و نەمانە.

• ئێستا گۆڕینی ڕژێمی ئێران ئەگەرێکی کراوە نییە، چونکە هیچ ڕاپەڕینێکی ناوخۆیی بوونی نییە.

• دۆخی ئێستای ئێران لە عێراقی ٢٠٠٣ ناچێت، چونکە ئۆپۆزیسیۆن و سەرکردەیەکی ڕێزلێگیراو نییە خەڵک شوێنی بکەوێت.

• بەکارهێنانی کورد وەکو "سەرە ڕم" دژی ئێران هەڵەیە، چونکە ئێرانییەکان یەکدەخات و تورکیاش دەستێوەردان دەکات.

• هیچ هێرشێکی چەکداریی لە هەرێمەوە نەکراوەتە سەر ئێران.

• دەبێت کوردستان پردێک بێت بۆ ئاشتی، نەک ببێتە گۆڕەپانی جەنگ.

• ئێمە بە هیچ شێوەیەک هیچ توانایەکی بەرگریمان بەرامبەر درۆنەکان نییە.

• گەورەترین نیگەرانی من لەم دۆخەدا، قەیرانە مرۆییەکەیە.

• باوەڕم وایە کە بەڕێز ترەمپ لە دڵەوە ئاشتی دەوێت و تێدەگەم لە تیۆری ئاشتی لەڕێگەی هێزەوە.