بەڕێوبەری دەروازەی پەروێزخان: هەموو کاڵا و شمەکێک دێتە هەرێم و هیچ کێشەیەک نییە
١٠ ئازار ٢٠٢٦ - ٧:١١ پاش نیوەڕۆ
پەنجەرە
بەڕێوبەری دەروازەی نێودەوڵەتی پەروێزخان ئاشکرای دەکات لە دەروازەکەوە هەموو کاڵا و شمەکێک بەبێ کێشە و ئاستەنگ دێتە هەرێمەوە.
عەباس ئیسماعیل، بە پەنجەرەی وت: وەکو پێش هەڵگیرسانی شەڕ، بە ئاسایی هەموو کاڵا و شمەکێک لە دەروازەکەوە دێتە هەرێم.
جەختی لەوەشکردەوە: هیچ کێشە و ئاستەنگێک نەماوە و جموجۆڵی بازرگانیی بە تەواوی ئاساییە.
ئەمەش لەکاتێکدایە کە دۆخی دەروازە سنوورییەکان لەگەڵ ئێران بەکاریگەریی شەڕ لەو وڵاتە، ناجێگیربوو و زۆرجار ڕووبەڕووی داخستن و سنووردارکردنی جووڵە دەبوونەوە.
دەروازەی پەروێزخان، دەکەوێتە سنووری ئیدارەی گەرمیانەوە و لە پڕ جوڵەترین دەروازە بازرگانییەکانی نێوان عێراق و ئێرانە.