ژمارەی بارەکانی دەروازەی پەروێزخان زیاد دەکرێت
١٥ ئازار ٢٠٢٦ - ٧:١٥ پاش نیوەڕۆ
پەنجەرە
بەڕێوبەری دەروازەی پەروێزخان ئاشکرای دەکات لە سبەینێوە ژمارەی بارە ئاڵوگۆڕکراوەکانی هەردوو دیوی دەروازەکە، بۆ دوو هێندە زیاد دەکرێت.
عەباس ئیسماعیل، بە پەنجەرەی وت: بەکاریگەریی ئەو دۆخەی لە ئێران هاتبووە ئاراوە، ژمارەی بارە ئاڵوگۆڕکراوەکانی ڕۆژانە بە ٢٠٠ بار دەستنیشان کرابوو.
وتیشی: ئەمڕۆ کۆبوونەوەمان لەگەڵ لایەنی ئێرانییدا کرد و بڕیاردرا ژمارەی بارەکان بکرێت بە ٤٠٠.
باسی لەوەشکرد کە لە سبەینێوە بڕیارەکە جێبەجێ دەکرێت.
دەروازەی پەروێزخان لە ئیدارەی گەرمیان، یەکێکە لە قەرەباڵەغترین دەروازەکانی نێوان هەرێمی کوردستان و ئێران. بەکاریگەریی شەڕی ئێران، ئاڵوگۆڕ لەم دەروازەیەش هاوشێوەی دەروازەکانی دیکە سنووردارکرابوو و چەند ڕۆژێکیش بە تەواوی داخرا.