پلانی نوێی ئەمەریکا لە عێراق 

پەنجەرە

سەرچاوەیەکی سیاسی ئاگادار لە دۆخی بەغدا دەڵێت، ئەمەریکا پلانی هەیە سیناریۆی سوریا لە عێراق دووبارە بکاتەوە و میلیشیا شیعەکان بەتەواوەتی لە دەسەڵات دوور بخاتەوە. 

سەرچاوە ئاگادارەکە لە دۆخی بەغدا کە نەیویست ناوی ئاشکرا بکرێت، بە پەنجەرەی ڕاگەیاند: ئەمەریکا پلانی هەیە دۆخێک دروست بکات میلیشیاکان لە دەسەڵات بەتەواوەتی دابڕێت و سەرکردەکانیان هەڵبێن.

دەشڵێت: پلانەکە بەوجۆرەیە سیستەمی حوکمڕانی سەرلەنوێ دابڕێژرێتەوە و چەک تەنها لای دەوڵەت بێت.