هەرێم لەژێر فشاری توندی ئەمەریکا و ئێران دا؛پەنجەرە زانیاری ورد بڵاو دەکاتەوە
٦ نیسان ٢٠٢٦ - ٩:١٠ پاش نیوەڕۆ
پەنجەرە
ماوەی چەند رۆژێکە فشارە ژێر بەژێرەکانی ئێران بۆ سەر هەرێمی کوردستان چڕتر بوونەتەوە، لەکاتێکدا سەرۆکی ئەمەریکا هەڕەشەی لێپرسینەوە لەگەڵ ئەوانەدا دەکات کە چەکیان بۆئێران ناردووە و گلیان داوەتەوە.
ئێران
بەپێی زانیارییەکانی ێەنجەرە، ماوەی چەند رۆژێکە ئێران فشارێکی زۆری خستووەتە سەر هەرێمی کوردستان، فشارەکان پەیوەندییان بە گومانە ئەمنی و سەربازییەکانەوە هەیە.
لەکاتێکدا بەرپرسانی هەرێمی کوردستان سەرجەم تۆمەتەکان رەتدەکەنەوە و ئاماژە بەوە دەکەن بێلایەنن لەو شەڕەی ناوچەکەی گرتووەتەوە، بەڵام ئێران فشاری زیاتر دەکات و گومانەکانی ناڕەوێتەوە.
زانیارییەکانی پەنجەرە ئاماژە بەوە دەکەن، ئێران تەنانەت بەگومانە لە داخستنی دەرگای قوتابخانە و زانکۆکان و نیگەرانە لەم هەنگاوەی هەرێم، لەکاتێکدا بەرپرسانی هەرێم هۆکارەکەی بۆ سەلامەتی مامۆستایان و خوێندکاران دەگێڕنەوە.
ئەمەریکا
لە پێشهاتێکی گوماناویدا سەرۆکی ئەمەریکا هەڕەشەی لێپرسینەوەکردن لەگەڵ ئەوانەدا دەکات، کە چەکیان بۆ ئێران ناردووە و گلیان داوەتەوە.
پێشتر "باراک راڤید" رۆژنامەنوسی فۆکس نیوز لەزاری "تری یەنگس"ەوە بڵاویکردەوە، گوایە سەرۆکی ئەمەریکا کوردی بە گلدانەوەی چەکەکان تۆمەتبار کردووە.
ئەوەی جێی گومانە حزبەکانی رۆژهەڵات رەتیدەکەنەوە چەکیان پێدرابێت و بەرپرسانی هەرێمیش تا ئامادەکردنی ئەم راپۆرتە بێدەنگن، بۆیە ئەوەی جێی گومانە ناسنامەی ئەو لایەنە کە چەکەکانی گلداوەتەوە.
تۆمەتەکانی سەرۆکی ئەمەریکا لەکاتێکدایە هەرێم لەلایەن ئێران و میلیشیا شیعەکانەوە خراوەتە ژێر بۆردومانی چڕی درۆنی و موشەکییەوە، بەپاساوی بوونی چالاکی ئەمەریکا تێیدا.