پەنجەرە یەکێک لەو شوێنانە ئاشکرا دەکات کە درۆنی لێوە ئاراستەی سلێمانی دەکرێت
٦ نیسان ٢٠٢٦ - ٩:١٦ پاش نیوەڕۆ
پەنجەرە
میلیشیا شیعەکانی عێراق شوێنی ئەنجامدانی هێرشە درۆنییەکانیان بۆ پارێزگای دیالە گۆڕیووە، لەکاتێکدا پێشتر زیاتر هێرشەکانیان لە سنوری کەرکوک و خورماتووەوە ئەنجام دەدا.
سەرچاوەیەکی ئەمنی بەرپرس، هۆکاری گۆڕینی شوێنی هێرشە درۆنییەکانی لەلایەن میلیشیاکانەوە بۆ پەنجەرە ئاشکرا کردو رایگەیاند: سنوری کەرکوک و خورماتو لەژێر چاودێریی و بۆردومانی فڕۆکە جەنگییەکاندان، بۆیە میلیشیاکان پارێزگای دیالەش بەکار دەهێنن.
وتیشی: دیالە هاوسنورە لەگەڵ ئێراندا، رەنگە میلیشیاکان بیانەوێت لەمڕێگەیەوە بەرپرسیارێتی هێرشەکان لەسەر خۆیان لابەن.
جەختیکردەوە: ئەو هێرشانەی دەکرێنە سەر هەرێم بەزۆری نوجەبا و پاشان حیزبوڵا ئەنجامی دەدەن.
دانیشتوانی ناوچەی گەرمیان کە هاوسنورە لەگەڵ پارێزگای دیالەدا، بەردەوام هەست بە تێپەڕینی درۆنەکان دەکەن بە ئاسمانی ناوچەکەیاندا.