سەرۆک کۆمار کورد پەرت دەکات؛ لایەنە کوردییەکان دەنگ بەکام کاندید دەدەن؟
١١ نیسان ٢٠٢٦ - ٩:٢٩ پاش نیوەڕۆ
پەنجەرە
هەڵبژاردنی سەرۆک کۆماری عێراق لایەنە کوردییەکانی پەرتکردووە، پارتی بەشداریی کۆبوونەوەی سبەینێی ئەنجومەنی نوێنەران ناکات، لەکاتێکدا یەکێتی هەوڵەکانی بۆ سەرخستنی “نزار ئامێدی” چڕکردووەتەوە.
رەوتی هەڵوێست، کۆمەڵ و یەکگرتوو دەنگ بە “موسەنا ئەمین” کاندیدی پۆستی سەرۆک کۆمار دەدەن، لەکاتێکدا نەوەی نوێ رێککەوتنی لەگەڵ یەکێتی هەیە و پاڵپشتی کاندیدەکەی دەکات.
هەرچەندە ئەنجومەنی نوێنەران دانیشتنی سبەینێ شەممەی بۆ هەڵبژاردنی سەرۆک کۆمار تەرخانکردووە، بەڵام تەواوبوونی نیسابی یاسایی بۆ دانیشتنەکە بە قورس دادەنرێت.