سەرچاوەیەک بۆ پەنجەرە: ئێران کوردی زیاتری چەکدار کردووە
١٦ نیسان ٢٠٢٦ - ٧:٢٧ پاش نیوەڕۆ
پەنجەرە
سەرچاوەیەک لە حزبە کوردییەکانی رۆژهەڵاتی کوردستان بە (پەنجەرە)ی ڕاگەیاند، کۆماری ئیسلامی ئێران لە شار و شارۆچکەکانی رۆژهەڵاتی کوردستان دۆخێکی نائاسایی و "عەسکەرتارییەت"ی سەپاندووە.
بەپێی زانیارییەکانی ئەو سەرچاوەیە بۆ پەنجەرە، تاران ژمارەی ئەو چەکدارە کوردانەی زیاد کردووە کە لایەنگری ڕژێمن و بە (جاش) ناسراون و خەڵکی زیاتریشی بۆ مەبەستی سەربازی پڕچەک کردووە.
سەرچاوەکە دەشڵێت: پرۆسەی ناونووسین بۆ وەرگرتنی چەکداری نوێ بەردەوامە و تەنانەت منداڵانی سەروو ١٣ ساڵیش وەک چەکدار وەردەگیرێن؛ ئەم هەنگاوانەش وەک ئامادەکارییەک دەبینرێن بۆ ڕووبەڕووبوونەوەی هەر ئەگەرێکی سەرهەڵدانەوەی شەڕ لە ناوچەکەدا.