سەرچاوەیەکی نزیک لە چوارچێوەی هەماهەنگی: پێناچێت دەستوەردانی تۆم باراکیش ئەنجامی هەبێت
١٩ نیسان ٢٠٢٦ - ٨:٤٧ پاش نیوەڕۆ
پەنجەرە
سەرچاوەیەکی نزیک لە چوارچێوەی هەماهەنگی رایدەگەیەنێت، پێناچێت هەوڵەکانی تۆم باراک نێردەی سەرۆکی ئەمەریکا کاریگەری لەسەر بڕیاری لایەنە شیعەکان هەبێت، چونکە رۆڵی ئەو بەسوریا و تورکیاوە گرێدراوە نەک عێراق.
سەرچاوە نزیکەکە لە چوارچێوەی هەماهەنگی، بە پەنجەرەی ڕاگەیاند: دۆخەکە ئاڵۆزە و ململانێی نێو لایەنە شیعەکانیش قوڵە، دەستوەردانی باراکیش بێگومان بەدڵی بەشێک لە لایەنە شیعەکان نابێت.
دەشڵێت: ناکۆکی نێوان لایەنە شیعەکان قوڵە، دەبێت خۆیان دەرەچەیەک بۆ دەربازبوون لەم قەیرانە بدۆزنەوە و کاتیان کەم لەپێش ماوە.