پەنجەرە بەشداریی گفتوگۆیەکی کونسوڵخانەی هۆڵەندا لە هەرێم دەکات

پەنجەرە

نیوەڕۆی ئەمڕۆ کونسوڵخانەی هۆڵەندا لە هەرێم، لە شاری هەولێر پێشوازیی لە ژمارەیەک ڕۆژنامەنووس کرد و لەگەڵیاندا گفتوگۆیەکی دەربارەی دۆخی ڕۆژنامەوانیی لە هەرێمی کوردستان ئەنجامدا.

لەگفتوگۆکەدا، محەمەد مەحمود- ئەندامی دەستەی بەڕێوەبردنی پەنجەرە، بە نوێنەرایەتی دەزگاکە، هاوڕێ لەگەڵ ژمارەیەک ڕۆژنامەنووس لە دەزگا میدیاییە جیاوازەکانی هەرێم، بەشدارییکرد.

دانیشتنەکە هاوکات بوو بە ڕۆژی جیهانی ئازادیی ڕۆژنامەوانیی، تیایدا بەشداران لەسەر ئەو ئالەنگاریی و گرفتانە وەستان کە ڕووبەڕووی کاری ڕۆژنامەوانیی لە هەرێمدا دەبێتەوە.

لایخۆشییەوە، ئادریان ئایسڵستاین، کونسوڵی شانشینی هۆڵەندا لە هەولێر، پشتیوانی خۆیانی بۆ ئازادیی ڕۆژنامەوانیی و فەراهەمکردنی ژینگەیەکی ئازاد و پارێزراو بۆ ڕۆژنامەنووسان کردەوە.