ئیسرائیلی  تێکەڵ دەکەن؛ "وەلائییەکان" هێرشەکانیان بۆ سەر زەیدیی توند دەکەن

پەنجەرە

میدیای سەر بە لایەنە شیعەکان وەلائییەکان لە زاری حسێن گەرعاوی، سەرۆکی دەستەی ڕێکخستنی "حراک الشعبي من اجل حزام والطریق” بڵاویکردووەتەوە، ئەحمەد شەرع و عەلی زەیدی هەردووکیان بە پاڵپشتی ئەمەریکا و بەرەزامەندی نەتەنیاهۆ گەیشتوونەتە دەسەڵات.

گەرعاوی بەمیدیای سەر بە لایەنە شیعە وەلائییەکانی راگەیاندووە: ئەمەریکا دەیەوێت عێراق و سوریا بکاتە دوو دەوڵەتی تەواوکەری یەکتریی لەژێر هەژموونی خۆیدا، چونکە واشنتۆن سەیری عێراق و سوریا دەکات وەک بەرەیەکی ئەمنی و سیاسیی پێکەوەبەستراو، بەتایبەتی لە دۆسیەی سنوورەکاندا.

ئامانجەکانی ئەمریکا لە ناوچەکەدا

گەرعاوی دەشڵێت: "ئیدارەی ئەمریکا دەیەوێت هەردوو وڵات بخاتە ژێر هەژموونی خۆیەوە و بەرەیەکی ڕووبەڕووبوونەوە دژی کۆماری ئیسلامی ئێران دروست بکات." 

گەرعاوی روونیکردووەتەوە، ئەمەریکا ئەرکی ڕووبەڕووبوونەوەی لوبنان و پاڵپشتیکردنی حکومەتەکەی جۆزێف عۆن (یان هەر لایەنێکی تر کە دژی حزبوڵایە) سپێردراوە بە "شەرع"، بە ئامانجی داماڵینی حزبوڵا لەچەک. 
 دەشڵێت: لە عێراقیش هەمان سیناریۆ جێبەجێ دەکرێت لە ڕێگەی کارکردن بۆ هەڵوەشاندنەوەی گرووپەکانی بەرگریی و حەشدی شەعبی بە پاساوی جۆراوجۆر.

پلانی پێشوەختە 

زاری حسێن گەرعاوی، سەرۆکی دەستەی ڕێکخستنی "حراک الشعبي من اجل حزام والطریق” ئاماژەی بەوە کرد، ئەوەی ئەمڕۆ ڕوودەدات، لە پێشدا و لە کاتی کۆبوونەوەی نێوان شەرع و سودانیدا پلانی بۆ داڕێژراوە. بۆیە ئەمریکا پێی باش بووە کە تەنها یەک کەسایەتی وەک (تۆم باراک) بەڕێوەبردنی هەردوو دۆسیەکەی پێ بسپێردرێت، تا ببێتە بڕیاردەری سەرەکی بەسەر هەردوولاوە و چاودێری هەنگاوەکانیان بکات لە جێبەجێکردنی فەرمانەکانی "کۆشکی ڕەش"دا (مەبەستی کۆشکی سپییە).