پەنجەرە گۆڕانکارییە ئەمنییەکانی گەرمیان بڵاو دەکاتەوە
٢٣ حوزەیران ٢٠٢٦ - ٨:١٨ پاش نیوەڕۆ
پەنجەرە
ژمارەیەک بەڕێوەبەری سەر بە وەزارەتی ناوخۆ لە پۆستەکانیان لابران و فەرمان بۆ دەستبەکاربوونی جێگرەوەکانیان دەرکرا، بڕیارە بەڕێوەبەرە نوێیەکان بەم نزیکانە دەست بەکاربن.
عەمید موحسن مەنسور بەڕێوەبەری هاتووچۆی گەرمیان گواسترایەوە و بڕیارە وەکو بەڕێوەبەری بەرگریی شارستانی دەست بەکار بێت. هەروەها عەقید شۆڕش عەلی بە بەڕێوەبەری هاتووچۆی گەرمیان دانرا.
عەمید شوان محەمەد لەپۆستی بەڕێوەبەری پۆلیسی دارستانی گەرمیان لابرا و عەمید فایەق باوەنووری لە جێگەکەی دانرا.
عەمید محەمەد عەبدوڵا لە پۆستی بەڕێوەبەری رەگەزنامەی گەرمیان لابرا، عەقید هێمن مەحمود فەرمانی بۆ جێگەکەی دەرچوو.