لە ملیارەها دینارەوە بۆ چەندین کیلۆگرام زێڕ؛ بڕی سامانە دەستبەسەرداگیراوەکانی عەدنان جومەیلی
١٨ تەممووز ٢٠٢٦ - ٦:٤٢ پاش نیوەڕۆ
پەنجەرە
لە چوارچێوەی هەڵمەتەکانی بەرەنگاربوونەوەی گەندەڵیدا، عەدنان جومەیلی، بریکاری وەزارەتی نەوتی عێراق بۆ کاروباری پاڵاوتن، دیارترین دەستگیرکراوەکانی دۆسیەی گەندەڵییە.
سەرچاوە ئاگادارەکان پەردەیان لەسەر قەبارەی ئەو سامانە هەمەجۆرە لادا کە لەم دۆسیەیەدا دەستی بەسەردا گیراوە، کە بڕەکەی بە بەهای ملیۆنان دۆلار دەخەمڵێندرێت. بەپێی زانیارییە سەرەتاییەکان، ئەو سەرمایەی تا ئێستا ئاشکرا کراوە پێکهاتووە لە:
* ۱۲٤ ملیار دیناری عێراقی و ۳۷ ملیۆن دۆلاری ئەمریکی.
* ۱٥ کیلۆگرام زێڕ.
* ۷۰ موڵکی جیاواز لەگەڵ ۲۱ ئۆتۆمبێلی مۆدێرن و گرانبەها.
جگە لەو سەرمایە دارایی و خانوبەرانە، هێزە ئەمنییەکان دەستیان بەسەر بڕێکی زۆر چەک و تەقەمەنی جۆراوجۆردا گرتووە کە لە لایەن ناوبراوەوە حەشاردرابوون. لە ئێستادا لێکۆڵینەوەکان لەم دۆسیەیە بەردەوامن بۆ ئاشکراکردنی سەرجەم ئەو تۆڕ و کەسانەی کە هاوکاری بوون لەم گەندەڵییە گەورەیەدا.