"هیچ بارگرژییەک لە نێوان سوپای عێراق و یەبەشە ڕووینەداوە"
١٧ ئەیلوول ٢٠٢٥ - ٤:٠٨ پاش نیوەڕۆ
پەنجەرە
کەسایەتییەکی ئاینی ئێزدی ڕایدەگەیەنێت، ئەو هێزەی سەر بە سوپای عێراق کە لە شەنگال بڵاوەیان پێکراوە، هیچ جموجۆڵێکی نامۆیان نەبووە و یەکینەکانی پاراستنی شەنگالیش لە جێگەکانی خۆیانن.
شێخ فاخر شەنگالی، کەسایەتی ئاینی ئێزدیی، بە پەنجەرەی ڕاگەیاند: یەکینەکانی پاراستنی شەنگال "یەبەشە" ڕۆڵەی شەنگالن و هیچ کێشەیەک لە نێوان ئەوان و سوپای عێراقدا ڕووینەداوە.
دەشڵێت: بارودۆخی ئەمنی ناوچەی شەنگال زۆر باشە، خەڵک سەرقاڵی ئیشوکاری ڕۆژانەی خۆیانن.
ماوەی چەند ڕۆژێکە، هێزێکی زۆری سوپای عێراق لە شەنگال بڵاوەیپێکراوە، هەرچەندە سەرەتا ترسی ڕووبەڕووبوونەوە لە نێوان سوپا و یەکینەکانی پاراستنی شەنگال لە ئارادابوو، بەڵام تائێستا هیچ بارگرژییەک ڕووینەداوە.