وەزارەتی دارایی زیاتر لە ٥٢ ملیار دینار بۆ بەڕێوەبردنی مەراسیمی چلەی ئیمام حسێن تەرخان دەکات
٧ ئاب ٢٠٢٦ - ٨:٣٥ پاش نیوەڕۆ
پەنجەرە
لە چوارچێوەی ئامادەکارییەکان بۆ بەڕێوەبردنی مەراسیمی چلەی ئیمام حسێن، وەزارەتی دارایی عێراق بڕی ٥٢ ملیار و ٥٠٠ ملیۆن دیناری تەرخانکردووە بۆ دابینکردنی خەرجییەکانی زیارەتکاران و بەڕێوەبردنی خزمەتگوزارییەکان.
لیژنەیەکی هاوبەشی حکومەت و پەرلەمان دەستنیشانکراوە بۆ چاودێریکردنی ڕەوتی مەراسیمەکە و چۆنیەتی خەرجکردنی ئەو بودجەیەی تەرخانکراوە.
بۆ گواستنەوەی زیارەتکارانیش، ٢٤٠٠ پاس تەرخانکراون بۆ ئەوەی ڕۆژانە زیارەتکاران بگوێزنەوە. دابەشکردنی پاسەکانیش بەسەر پارێزگاکاندا بەم شێوەیە:
٨٠٠ پاس: گواستنەوەی زیارەتکاران لە نەجەفەوە بۆ کەربەلا.
٧٠٠ پاس: گواستنەوەی زیارەتکاران لە بابلەوە بۆ کەربەلا.
٤٠٠ پاس: گواستنەوەی زیارەتکاران لە بەغداوە بۆ کەربەلا.
ئەم ئامادەکارییانە لە کاتێکدا دەکرێن کە ساڵانە ملیۆنان زیارەتکار لە ناوەوە و دەرەوەی عێراق بەمەبەستی بەشداریکردن لە مەراسیمی چلە ڕوو لە شاری کەربەلا دەکەن.