هەموو رێگاکان دەچنەوە سەر بانە؛ کێشەی بەنزین چۆن چارەسەر دەکرێت؟
١٨ ئاب ٢٠٢٦ - ٨:٠٨ پاش نیوەڕۆ
پەنجەرە
محەمەد حسێن شارەزاری بواری ئابووریی دەڵێت دوو رێگە هەیە بۆ چارەسەر کردنی کێشەی بەنزین لە هەرێمی کوردستان، هەردوو رێگەکەش پێویستی بە رێککەوتنی عێراق و هەرێمە.
محەمەد حسێن، بە پەنجەرەی راگەیاند: دەبێت هەرێم لەسەر کێشەی بەنزین لەگەڵ عێراق رێکبکەوێت، رێککەوتنەکە بەجۆرێک بێت عێراق خۆی بەنزین بۆ هەرێم دابین بکات.
وتیشی: رێگەی دووەم ئەوەیە بەرپرسان و نوێنەرانی کورد لەبەغدا لەسەر ئەجێندایەک رێکبکەون و فشار بخەنە سەر بەغدا، بۆ ئەوەی نەوت بدات بە پاڵاوگەکان و بەنزین بەنرخی پاڵپشتکیراو بە خەڵک بدرێت. وەکچۆن ئێستا پاڵاوگەکانی بازیان و کەڵەک بەنزین بۆ کەرکوک، نەینەواو بەغدا بەرهەم دەهێنن.
دەشڵێت: ٥٠ هەزار بەرمیل نەوت بەشی دوو ملیۆن لیتر بەنزین دەکات، لەکاتێکدا هەرێم پێویستی بە ٦ ملیۆن لیتر بەنزینە لە رۆژێکدا.