عەلی زەیدی: پێکدادانی سەربازیی لەگەڵ میلیشیاکان روونادات

پەنجەرە

ئەمڕۆ هەینی، سەرۆکوەزیران عەلی ئەلزەیدی کۆتایی بە دەنگۆکانی ئەگەری ڕوودانی پێکدادانی سەربازی سەبارەت بە دۆسیەی کۆنترۆڵکردنی چەک هێنا.

زەیدی لە وتارێکیدا لە هەشتەمین دیداری بەغدا، ڕایگەیاند: "سەرجەم هێزە سیاسییەکان بە تەواوی کۆکن لەسەر بەردەوامبوون لە پرۆسەی قەتیسکردنی چەک لە دەستی دەوڵەتدا،" هەروەها ڕوونیکردەوە کە "کارکردن لەسەر ئالیەتەکانی ڕادەستکردنی چەک و کۆتاییهێنانی یەکجارەکی بەم دۆخە بەردەوامە."

ئەوەشی خستەڕوو: "هیچ ئارەزوو یان ئەگەرێک بۆ هیچ جۆرە پێکدادانێکی سەربازی نییە،" و ئاماژەی بەوەش دا "ڕێگە بە دوژمنانی عێراق نادەین هیچ دەرفەتێک بقۆزنەوە."
جەختیشیکردەوە کە "هیچ پاشەکشەیەک لە ڕووبەڕووبوونەوەی گەندەڵی نییە و حکومەت لەلایەن هێزە سیاسییەکانەوە پشتیوانییەکی بەربڵاوی لێ دەکرێت."